അമരവാണി1- മാതാ അമൃതാനന്ദമയി

തീ കൊണ്ട് പുരയും കത്തിക്കാം

 ആഹാരവും പാകം ചെയ്യാം.

സൂചികൊണ്ട് കണ്ണും കുത്തിപ്പൊട്ടിക്കാം

 തയ്ക്കുകയും ചെയ്യാം.

അതിനാല്‍ ഓരോന്നിന്റെയും പ്രയോജനം 

മനസ്സിലാക്കി പ്രയോഗിക്കണം.

 

-  മാതാ അമൃതാനന്ദമയി -

മൊഴിമുത്തുകള്‍ - കുഞ്ഞുണ്ണിമാസ്റ്റര്‍

അമൃത വചനം - ഗുരുജി

വിചാരസുധ

" വ്യക്തിപരമായ നന്മയും സ്വഭാവശുദ്ധിയും ദേശീയ താല്‍പര്യത്തില്‍

സക്രിയവും സജീവവുമായിരിക്കേണ്ടത് അത്യാവശ്യമാണ്. പേരോ

പെരുമയോ മറ്റെന്തെങ്കിലും നേട്ടങ്ങളോ പ്രതിഫലമായി ഇച്ഛിക്കാതെ

രാഷ്ട്രത്തിനുവേണ്ടി പരിപൂര്‍ണ സമര്‍പ്പണം ചെയ്താണ് അത് സാധിക്കേണ്ടത്.

നാം സേവിക്കുന്ന ജനങ്ങള്‍ നമ്മെ പ്രശംസിക്കുന്നുണ്ടോ ഇല്ലയോ എന്നു നോക്കേണ്ട.

അവര്‍ പ്രശംസിക്കാത്തതാണ് വാസ്തവത്തില്‍ നമുക്ക് കൂടുതല്‍ നല്ലത്.

അപ്പോള്‍ നമ്മെ അനഭിലഷണീയമായ വഴിക്കു തിരിച്ചുവിട്ടേക്കാവുന്ന

പൊതുജനപ്രശംസയെന്ന ബന്ധനത്തില്‍നിന്നു നാം വിമുക്തരായിരിക്കും.

നാം നമ്മുടെ രാഷ്ട്രത്തെ ഇഷ്ടദേവതയായിട്ടാണ് കാണുന്നത്. നമ്മുടെ 

സമര്‍പ്പണം, നമുക്കുള്ളതെല്ലാം കാഴ്ചവെയ്ക്കൽ  രാഷ്ട്രദേവതയെ

ആരാധിക്കുന്നു എന്ന ഭാവനയോടുകൂടിയായിരിക്കണം. അപ്പോള്‍

എങ്ങനെയാണു തിരിച്ചെന്തെങ്കിലും പ്രതീക്ഷിക്കുന്നത്. "

 

-   പൂജനീയ ശ്രീഗുരുജി -

ബോധകഥ: ഉത്തരം മുട്ടിക്കുന്ന ചോദ്യം

ബോധകഥ :   

ഒരിക്കല്‍ ഒരു ഇംഗ്ലീഷ്കാരന്‍ ഗുരുജിയെ സന്ദര്‍ശിക്കാന്‍ വന്നു.

സംഭാഷണത്തിനിടയില്‍ അദ്ദേഹം പറഞ്ഞു "ഭാരതത്തില്‍ സെകുലറിസം

(മതനിരപേക്ഷത) ആണ്, പക്ഷെ താങ്കള്‍ ഹിന്ദുക്കളുടെ മേധാവിത്വം സ്ഥാപിക്കാനാണ്

ആഗ്രഹിക്കുന്നത്. ഈ അവസ്ഥയില്‍ സെക്കുലറിസത്തിന്റെ ഗതി എന്താവും?

 

 

ശ്രീ ഗുരുജി:  താങ്കളുടെ ബ്രിട്ടന്‍ മതേതര രാജ്യമാണോ?

ഇംഗ്ലീഷ്കാരന്‍: അതെ

ശ്രീ ഗുരുജി:  താങ്കളുടെ ഭരണഘടനയില്‍ അവിടുത്തെ രാജാവ് പ്രോട്ടസ്ടന്റ്റ് ക്രിസ്ത്യന്‍

ആയിരിക്കണം എന്ന നിബന്ധനയില്ലേ..?

ഇംഗ്ലീഷ്കാരന്‍:  ഉണ്ട്

ശ്രീ ഗുരുജി: എങ്കില്‍ പറഞ്ഞാലും, കേവലം പ്രോട്ടസ്ടന്റ്റ് സമ്പ്രദായം പിന്തുടരുന്ന രാജ്യമായിട്ടു

കൂടി താങ്കളുടെ രാജ്യത്തു എങ്ങനെയാണ് സെകുലറിസം നടപ്പിലാവുന്നത്? മറ്റുള്ളവരുടെ എന്താണ്

നശിച്ചത്? ഒന്നുമില്ല . അങ്ങനെയാണെങ്കില്‍ ഞങ്ങളുടെ ഭാരതത്തിലും ഹിന്ദുക്കളുടെ മേധാവിത്വം

ഉണ്ടായാല്‍ എങ്ങനെയാണ് മറ്റുള്ളവര്‍ക്ക് ആപത്തു വരുന്നത്?

 

ഇംഗ്ലീഷ്കാരന്‍ നിശബ്ദനായി..

അമൃതവചനം_3: പരമ പൂജനീയ ഡോക്ടര്‍ജി

- പരമ പൂജനീയ ഡോക്ടര്‍ജി -

യഥാര്‍ത്ഥ നേതാവ്: -

"പൊതുജനാഭിപ്രായത്തിന്റെ ഒഴുക്കിനനുകൂലമായി ഒഴുകികൊണ്ട്

വളരെ വേഗം പ്രശസ്തി നേടാന്‍ കഴിയും. പക്ഷെ, സ്വന്തം വകതിരിവിനനുസരിച്ചു, പൊതുജനാഭിപ്രായത്തിനു വിപരീതമായി 

ശബ്ദമുയര്‍ത്താന്‍ മുതിരുന്നയാളാണ് യഥാര്‍ത്ഥ നേതാവ് .നിലവില്‍

 അന്ഗീകാരമില്ലാത്തവയാണെങ്കില്‍ പോലും, സ്വന്തം

അഭിപ്രായം അയാള്‍ ആരെയും കൂസാതെ പറയും. 

പരിതസ്ഥിതികള്‍ക്കനുസരിച്ചു 

വഴങ്ങികൊടുക്കാന്‍ കൂട്ടാക്കാതെ അയാള്‍ പരിതസ്ഥിതികളെതന്നെ   

മാറ്റിമറിക്കും. ശരിയായ നേതൃത്വത്തിന്റെ മാറ്റ് അറിയുക, ജനാഭിപ്രായം രൂപപ്പെടുത്തുന്നതിലാണ്, അല്ലാതെ അതിന്റെ പിന്നാലെ പോകുന്നതിലല്ല."

- പരമ പൂജനീയ ഡോക്ടര്‍ജി -

അമൃതവചനം- പരം പൂജനീയ ഗുരുജി

സുഭാഷിതം-അമൃതവചനം
~~~~~~~~~~~~~~~~~~~~~~~~~

 സേവന മനസ്ഥിതിയെയാണ് എക്കാലത്തും
നമ്മുടെ നാട്ടിലെ മഹാത്മാക്കള്‍  ഈശ്വര ഭക്തിയുടെ 
ഏറ്റവും  ഉയര്‍ന്ന പ്രകടനമായി ഉയര്ത്തിപ്പിടിച്ചിട്ടുള്ളത്.
" ഞാന്‍ രാജ്യമോ സ്വര്‍ഗമോ ആഗ്രഹിക്കുന്നില്ല. എല്ലാ
ജീവജാലങ്ങളുടെയും ദുഖങ്ങളും ദുരിതങ്ങളും
ദുരീകരിക്കാനാണ് എനിക്കാഗ്രഹം."  എന്നതായിരുന്നു
നമ്മുടെ പൂര്‍വ്വികരുടെ  പ്രാര്‍ത്ഥന. അതാണ് യഥാര്‍ത്ഥ
സേവനത്തിന്റെ അന്തസ്സത്ത. ഇങ്ങനെയുള്ള ഒരാളുടെ
നിരന്തര പ്രാര്‍ത്ഥന " സേവനത്തിനായി കൂടുതല്‍
ശക്തിയും കഴിവും തരണേ" എന്നായിരിക്കും.
അയാളുടെ ജീവിത സാഫല്യം തനിക്കു ദൈവം
തന്നിട്ടുള്ളതെല്ലാം താന്‍ സേവനത്തിനായി
സമര്‍പ്പിച്ചു എന്നതിലായിരിക്കും.

                               - പരം പൂജനീയ ഗുരുജി -